About Gaamayan: ડિજિટલ યુગમાં ‘શબ્દ’ અને ‘દ્રશ્ય’નો અનોખો સંગમ

ઇન્ટરનેટ એક એવું જંગલ છે જ્યાં માહિતીનો ઘોંઘાટ (Noise) પુષ્કળ છે, પણ સમજણની શાંતિ (Silence) દુર્લભ છે. આપણે બધા ‘સ્ક્રોલિંગ’ની બીમારીથી પીડાઈએ છીએ, પણ ‘રીડિંગ’ના સુખથી વંચિત થઈ ગયા છીએ.

Welcome to Gaamayan.

અમે કોઈ સામાન્ય ગુજરાતી પેજ, અને માત્ર લાઈક્સ ઉઘરાવતું ઇન્સ્ટાગ્રામ પેજ પણ નથી. અમે એક ‘થોટ પ્રોસેસ’ છીએ. અમારું મિશન સિમ્પલ છે: ઇન્ટરનેટના તોફાની દરિયામાં એક એવો ટાપુ બનાવવો જ્યાં ગુજરાતી વાચકને “કન્ટેન્ટ” નહિ, પણ “કનેક્શન” મળે.

અમારું વિશ્વ બે ધરી પર ટકેલું છે: દ્રશ્ય (Visuals) અને શબ્દ (Words).

1. The Instagram: અમારો ‘ડિજિટલ ઓટલો’ (Visual Storytelling)

જો વેબસાઈટ અમારું ઘર છે, તો ઇન્સ્ટાગ્રામ અમારો ઓટલો છે. આજના ફાસ્ટ-પેસ્ડ જમાનામાં લોકો પાસે લાંબુ વાંચવાનો સમય ઓછો છે. એટલે અમે ઇન્સ્ટાગ્રામને એક ‘Visual Treat’ તરીકે ડિઝાઈન કર્યું છે.

  • Easy to Swipe: અમારા કેરોઝલ (Carousels) એટલે માત્ર ફોટાઓનો ઢગલો નહિ, પણ એક આખી વાર્તા. અંગૂઠો અટકાવી દે (Thumb-stopping) એવા હાઈ-ક્વોલિટી ગ્રાફિક્સ અને ડિઝાઈન.

  • Micro-Content: અહીં તમને મોટા જ્ઞાનના ડોઝ નહિ, પણ ‘વિઝડમની કેપ્સ્યુલ’ મળશે. જે જોતાની સાથે જ આંખને ગમે અને મગજને વિચારે ચડાવે.

  • The Hook: અહીં અમે તમને આંગળી પકડીને અંદર લાવીએ છીએ. ગામના પાદરે જેમ વટેમાર્ગુ ઘડીક વિસામો લેવા ઉભો રહે, એમ અમારું ઇન્સ્ટાગ્રામ તમને ‘રિફ્રેશ’ કરશે.

2. The Website: અમારો ‘શબ્દ-ખંડ’ (Deep Dive Blogs)

જ્યારે તમને ઓટલા પરની વાતોમાં રસ પડે અને ઊંડા ઉતરવું હોય, ત્યારે સ્વાગત છે અમારી વેબસાઈટ પર. અહીં ‘શોર્ટકટ’ નથી, અહીં ‘સફર’ છે.

  • Pure Reading Bliss: અહીં બ્લોગ્સ છે, જે તમને વિચારતા કરી દેશે. અહીં વિષયોની કોઈ સીમા નથી. ફિલસૂફીથી લઈને પોપ-કલ્ચર સુધી, અને ગામડાની ધૂળથી લઈને ગ્લોબલ ટ્રેન્ડ્સ સુધી.

  • Food for Soul: ઇન્સ્ટાગ્રામ નાસ્તો (Snack) છે, તો વેબસાઈટ ભરપેટ ભોજન (Full Meal) છે. અહીં અમે વિષયના મૂળ સુધી જઈએ છીએ.

  • Uncluttered Space: કોઈ પોપ-અપની મારામારી નહિ, વાંચવામાં ખલેલ પહોંચાડે તેવી કોઈ જાહેરાતોની ભીડ નહિ. માત્ર તમે અને શબ્દો.

Our Philosophy: Big Fish in a Small Lake

માર્કેટિંગની દુનિયામાં એક કહેવત છે: “Don’t be a small fish in a big pond.” મોટા દરિયામાં આપણી હોડી દેખાય જ નહિ, એના કરતા અમે નક્કી કર્યું છે કે “Unique Gujarati Content” નામના એક નાનકડા પણ રળિયામણા સરોવરની ‘Big Fish’ બનવું.

‘ગામાયણ’ શબ્દ જ અમારો ડીએનએ (DNA) છે. ગામ (Roots) + અયન (Journey/Granth) = મૂળ સોતા જોડાણ અને વિચારોનો પ્રવાસ. જુઝર હાજીવાલાના લોકકોશ મુજબ ‘ગામાયણ’ એટલે ગામની રામાયણ કે તકલીફો, પણ અમારા માટે આ વ્યાખ્યા પોઝિટિવ છે: “ગામના પાદરે, વડલા નીચે બેસીને થઇ શકે તેવી વાતો!”

તો આવો, ઇન્સ્ટાગ્રામ પર અમારી સાથે ‘વિઝ્યુઅલ’ સફર કરો અને વેબસાઈટ પર આવીને ‘વૈચારિક’ વડલા નીચે પોરો ખાઓ.